GHAZALS

URDU POETRY

btao tumhen kya mila....

rishta wafa ka jorr ker
          phir dil hmara torr ker
youn tanha hamen chhorr ker
  btao tmhen kya mila?

pehle hmen pukar ker
           apne dil mein utaar ker
phir nafrt ka teer mar ker
    btao tmhen kya mila?

hum se ankhen chaar ker ke
            hamen zaar zaar ker ke
dil; be qaraar ker ke
    btao tumhen kya mila?

hum ko mjbur ker ke
           apno se door ker ke
zakhmon se chur chur ker ke
   btao tmhen kya mila?.

MARCH PHIR UDAS HAI...

march phir udas hai ,

                ajnabi si rahon mein,

door tak nigahon mein,

                be rukhi ka mausam hai,

aaj phir nigahon mein,

               beety pal ki pyas hai,

phir raha hun dar badar,

              kisi moajzy ki aas hai,

aisa lgta hai jaisy ,

             march phir udas hai,

baat to kre koi,

            sath to chaly koi,

khamoshi ka pehra hai,

             zakhm dil ka gehra hai,

aaj dil ye bahut udas hai,

             aisa lagta hai jaise,

  March phir udas hai.....

TUJHE ILM HAI....

tujhe ilm hai ay 

tabib e jan tera pyar hi

meri hayat hai,

main mareez hun tery 

qurb ka mujhe door ja k

dwa na de,

yahan sab 

andhair parast hain

yahan roshni ki majaal 

kia,

ye chiragh phir bhi 

chiragh hai koi aaty

jaty bujha na de,

tum gaye dino mein jo

saath thy mere

qalb o jan ka saboot thy,

ye bila wjha tera roothna

meri zindgi ko mita na de,

tery samny mere 

ham safar meri dharkanon

ki bisat kya,

tera is tarha mujhy

dekhna kahen meri umr

ghata na de...

KAHA THA NA....

Kaha tha na k main nazuk hun mat trash  mujhy,

janoon mein ker diya tu ne pash pash mujhy,

wo mujh ko baant k kuch waqt kaat lety hain,

samajh liya hai mere doston ne taash mujhy,

wo hadsa tha k ander se ho gya hun khander,

bazahir ayi ni hai koi khrash mujhy,

mai ek raaz tha k dafan tere seeny mein,

bhugat nateeja k tu ne kia hai faash mujhy,

kahin main tum ko milun to bta dena,

kai dino se hai saaqi teri talaash mujhy.